No+sta+ciamarme+foresto.pps
Presentazione Microsoft Power Point 2.8 MB

Ho creduto, perció ho parlato!

 

 

 

21 ottobre 2012

 

Carissimi amissi missionari veneti

sparsi in ogni ángoeo del mondo:

un abrasso e na preghiera!

 

In ocasión dea próssima GIORNADA MISSIONARIA MONDIAE

ve rive anca ´l nostro ricordo

e un grassie par la vostra testimoniansa de Fede!

 

Che l´anuncio dea PARÓEA DE DIO e la condivisión co la vita de ogni dí co tanti fradei,

fradei de l´umanitá,

fradei dei fradei,

fradei dei vissini de casa,

tuti fradei in Dio Padre,

sia a lanceta che segna l´Amore avudo gratuitamente da Dio

e gratuitamente doná ai altri…

ai fradei,

al próssimo!

Tanto pí in questo mese missionario del 2012

che zé scuminsiá anca l´Anno dea Fede!

 

Anca qua,

in Italia,

nel nostro Véneto

semo ciamai al impegno missionario…

in favore dei za batesai che se ga lontaná dáea Cesa,

e ai no batesai par anunciare la PARÓEA DE DIO

parché nel Batésimo i entre a far parte dea nostra comunità,

dea nostra stessa famejia,

e i possa far parte dei “nostri” inte a Cesa de Cristo!

 

Guai se no ve fussi vialtri,

che ga abandoná tuto,

familiari, amissi, parenti, carriera, sucessi…

comodità, benéssere o altri beni materiai

par dedicarse in terre lontane e vissine,

in ogni ángoeo de sta tera,

a portare la “Bona Notissia” ai fradei sconossui…

 

Par questo: grassie!

Grassie,

grassie!

Grassie a tuti, cari amissi missionari… véneti e anca no.

A tutti!

Grassie par ofrire la vostra vita intel “fronte” del Vangeo!

Grassie par éssare partíi al posto nostro!

 

Semo cossienti dee vostre dificoltá.

Savemo dei vostri problemi.

Conossemo le vostre necessità…

Le vostre fadighe de ogni dí…

Ma semo cossienti anca dei nostri límiti.

I nostri brassi pare massa curti,

e nostre scarsee le zé sempre pí vode,

le nostre forze stesse le pare sempre manco!

Ma ´l core, no!

El core bate, e prega!

Prega par vialtri,

par darve forza de perseverare nel vostro impegno davanti a Dio e davanti áea comunità!

Prega par quéi che, tocai pí nel profondo,

mártiri, assa la vita sul campo,

ma prega parché dopo de vialtri

ghe sia sempre un rinovo de nove leve

che toe sú ´l testimone da portar vanti!

 

Che questo sia l´augurio che se femo i uni ai altri

Inte sto Anno de grassia par tutti,

áea riscoperta del sempre novo dono dea Fede!

 

Ite et docete…

In nome del Padre,

del Fióeo

e del Spírito Santo…

e in nome

de tuti i operatori drío le quinte,

inte e Parochie,

inte i Grupi vari,

Associassión,

líbari operai inte la messe del Signore…

che in tanti modi se impegna pal sostegno

materiae e spirituae del vostro lavoro.

 

Co ´n abrasso e un strucón

E ´na paca so ´na spáea

Da tuti nialtri, Bona Missión!

 

Roberto e Emiliano

Amissimissionariveneti